İspaniya millisinin DÇ-2014 üçün heyəti açıqlanıb. Apasport.az xəbər verir ki, baş məşqçi Visente Del Boske 30 nəfərlik ilkin siyahını müəyyənləşdirib. Lakin mundialın startına qədər 30 futbolçunun arasından 7-sinin adı çıxarılacaq.

Təəccüb doğuran məqamlardan biri “Real”da yaxşı mövsüm keçirən İskonun milliyə dəvət olunmamasıdır. 2013-cü ildən milli komandaya dəvət alan hücumameyilli yarımmüdafiəçi bu dəfə Del Boskenin diqqətini cəlb edə bilməyib.

30 nəfərlik heyət dəvət olunan futbolçular isə bunlardır:

Qapıçılar: İker Kasilyas (“Real”), Xose Reyna (“Napoli”), David De Xea (“Mançester Yunayted”)

Müdafiəçilər: Serxio Ramos, Dani Karvahal (hər ikisi “Real”), Jerar Pike, Jordi Alba (hər ikisi “Barselona”), Raul Albiol (“Napoli”), Xavi Martines (“Bavariya”), Sezar Aspilikueta (“Çelsi”), Alberto Moreno (“Sevilya”), Xuanfran (“Atletiko”)

Yarımmüdafiəçilər: Xavi, Andreas İnyesta, Serdji Buskets, Sesk Fabreqas (hamısı “Barselona”), Xabi Alonso (“Real”), Koke (“Atletiko”), Santi Kazorla (“Arsenal”), Ander İturraspe (“Atletik”), Tiaqo Alkantara (“Bavariya”), Xuan Mata (“Mançester Yunayted”), David Silva (“Mançester Siti”)

Hücumçular: Pedro (“Barselona”), Xesus Navas, Alvaro Neqredo (hər ikisi “Mançester Siti”), Dieqo Kosta, David Vilya (hər ikisi “Atletiko”), Fernando Torres (“Çelsi”), Fernando Lorente (“Yuventus”)