Azərbaycan Respublikasının Dövlət Neft Şirkəti (ARDNŞ) Türkiyənin “Qalatasaray” klubuna forma sponsorluğu ilə bağlı razılığa gəldiklərinə dair xəbərlərə münasibət bildirib. Apasport.az xəbər verir ki, bu barədə Sportnet.az-a qurumun mətbuat xidmətinin rəhbəri Nizaməddin Quliyev açıqlama verib. 

Quliyev Türkiyə mətbuatının yazdıqlarını təkzib edib: “Mən bilmirəm ki, bu cür xəbərlər haradan qaynaqlanır. Bizim gündəmimizdə belə bir məsələ yoxdur”.  
 

Qeyd edək ki, qardaş ölkə KİV-i “Qalatasaray”ın yeni mövsümdən formasında SOCAR-ı reklam edəcəyinə dair xəbər yayıb. Hətta Azərbaycan şirkətinin bir illik reklam üçün “sarı-qırmızılar”a 20 milyon avro ödəyəcəyi vurğulanıb.