“Valensiya”nın müdafiəçisi “Barselona”ya keçdi
23.07.2014 - 22:45
İspaniyanın “Valensiya” klubunun müdafiəçisi Jeremi Matye karyerasını “Barselona”da davam etdirəcək. Apasport.az saytının məlumatına görə, bu barədə Kataloniya klubunun rəsmi saytında bildirilir.
Futbolçu klubla 4+1 sxemi üzrə müqavilə imzalayıb. 30 yaşlı fransızın transferi “Barsa”ya 20 milyon avroya başa gəlib. Bundan sonra onu “Barselona”dan almaq istəyən klub 50 milyon avro ödəməlidir.
Matye “yarasaların” şərəfini 2009-cu ildən qoruyur. Buna qədər isə “Soşo” və “Tuluza”da oynayıb. Müdafiəçi Fransa millisinin heyətində də 3 oyuna çıxıb.
0
0