“Qarabağ”ın Avropa Liqasının qrup turnirindəki rəqiblərindən olan Ukraynanın “Dnepr” klubunun kapitanı zədələnib. Apasport.az saytının məlumatına görə, Ruslan Rotan ən azı 3-4 həftəlik sıradan çıxıb.

Rotanın tibbi müayinəsi onun topuğundakı bağların zədələndiyini göstərib. Amma futbolçunun sümükləri salamatdır. Amma onun təxminən 1 ay yaşıl meydanlardan uzaq qalacağı bildirilir.

Beləliklə, Rotan Avro-2016-nın seçmə turnirinin ilk oyununda Ukrayna millisinə, Avropa Liqasının qrup mərhələsinin ilk oyununda isə “Dnepr”ə kömək edə bilməyəcək.