Azərbaycan Super Liqasının gümüş mükafatçısı “Azəryol” Türkiyədə beynəlxalq turnirdə iştirak edəcək. Apasport.az saytının məlumatına görə, Bakı təmsilçisi yanvarın 3-5-də Antalyada “Gloria Sports Arena”nın açılışı münasibəti ilə təşkil olunacaq “Gloria Cup”da qüvvəsini sınayacaq.
Ənənəvi xarakter daşıyacaq yarışa “Azəryol”la yanaşı, İstanbul nəhəngi “Vakıfbank”, heyətində Azərbaycan millisinin hücumçusu Natalya Məmmədovanın yer aldığı İsveçrə “Volero”su və Sloveniya “Maribor”u qatılacaq.
“Gloria Cup”ın açılış matçında Aleksandr Çervyakovun yetirmələri Türkiyə çempionu ilə qarşılaşacaqlar.
Turnirin təqvimi belədi:
3 yanvar
19:00. “Vakıfbank” – “Azəryol”
21:30. “Maribor” – “Volero”
4 yanvar
19:00. “Azəryol” – “Volero”
21:30. “Maribor” – “Vakıfbank”
5 yanvar
16:00. “Azəryol” – “Maribor”
18:30. “Volero” – “Vakıfbank”