Qadın voleybolçular arasında Qızıl Avropa Liqasının yarımfinal mərhələsinin püşkü atılıb. Apasport.az saytının məlumatına görə, finala gedən yolda Bolqarıstan Finlandiyaya rəqib olub.

Digər cütdə isə “Dördlər finalı”nın ev sahibi Macarıstan Çexiya ilə üz-üzə gələcək. Budapeştdə keçiriləcək matçlar iyunun 14-15-də olacaq.

Qeyd edək ki, Qızıl Avropa Liqasında mübarizə aparan Azərbaycan millisi mübarizəni qrup mərhələsində dayandırıb. Komandamız ən yaxşı qrup ikincisi olsa da, macarların ev sahibliyi yarımfinal yolumuzu kəsib.