Azərbaycan Respublikası Atçılıq Federasiyasının (ARAF) təşkilatçılığı ilə “Sərhədçi” atçılıq klubunda ARAF kuboku uğrunda keçirilən konkur yarışları başa çatıb.

Apasport.az xəbər verir ki, bu gün başa çatan turnirin yekununda “Elite” atçılıq klubunun təmsilçiləri Aydan Ağayeva “Zirvə 2” ləqəbli atla birinci, Anar Hümbətov “Damla” ləqəbli atla ikinci, Seyid Musayev isə “Ayla” ləqəbli atla üçüncü yerin sahibi olub.

M kateqoriyası üzrə 120 sm hündürlükdə qurulan maneələrdən ibarət yarışda 9 idmançı yaş məhdudiyyəti qoyulmayan atlarla iştirak edib.

Sonda hər üç kateqoriyada birinci yerin sahiblərinə “ARAF” kuboku, ikinci və üçüncü pillələri tutanlara medallar, həmçinin ARAF-ın fəxri diplomları təqdim edilib.

• Reto Qaudenzi: “Bakı artıq Mayami kimi məşhur turnirlərə ev sahibliyi edir”
• “Sea Breeze 2026”nın ilk oyununda qalib bəlli olub
• “Sea Breeze 2026” beynəlxalq çimərlik polosu turnirinə start verilib
• “Çimərlik Polosu See Breeze 2026“ turniri keçiriləcək - VİDEO
• Bişkek ŞƏT tədbirlərinə və Çövkən oyunlarına hazırlaşır