22:14 19-05-2020
news_image
126
FUTBOL

Uels çempionatı başa çatdı – yarımçıq

Koronavirus pandemiyası üzündən dayandırılan daha bir çempionatın taleyinə aydınlıq gəlib.

Apasport.az saytının məlumatına görə, Uels Futbol Assosiasiyasının rəhbərliyi mövsümün yarımçıq başa vurulmasına qərar verib.

Uels çempionatının 4 liqasının hamısında mövsümə yekun vurulub. Yekun cədvəl komandaların topladığı orta xallarla müəyyənləşib. Bu da onunla bağlıdır ki, klublar müxtəlif sayda oyun keçirib.

Uels çempionu adına “Konnak” yiyələnib. 26 oyunda 56 xal toplayan komandanın göstəricisi 2,15-ə bərabər olub. Bu, komandanın ilk çempionluğudur. TNS 2,00 xalla ikinci, “Bala Taun” 1,88 xalla üçüncü yeri tutub.

Qeyd edək ki, Avropa ölkələrindən yalnız Belarusda çempionatı dayandırılmayıb, Almaniyada isə yarış bərpa olunub. Belçika, Niderland, Fransa, Şotlandiya, Lüksemburq, Kipr və Cəbəllütariq isə Uels kimi mövsümü erkən başa vurub. Digər çempionatlar, o cümlədən Azərbaycanda mövsümün taleyi qaranlıq qalır.