“Mənim üçün futbolçunun 35, yoxsa 17 yaşda olmasının bir önəmi yoxdur. Kim hazır olacaqsa, o da Avropa çempionatına aparılacaq”.

Apasport.az saytının məlumatına görə, bunu Uels millisinin baş məşqçisi Rayan Giqqz deyib.

AVRO-2020-nin A qrupunda İtaliya, Türkiyə və İsveçrə ilə mübarizə aparacaq britaniyalıların çalışdırıcısı yekun “23-lüy”ü müəyyənləşdirməkdə çətinlik çəkəcəyini söyləyib: “Bəzən təcrübə kömək ola bilər, ancaq gənclərin enerjisi də lazımdır. Bir çox futbolçunun xidmətindən yararlanmışam. Xüsusən də, gəncləri diqqətdə saxlayıram. Artıq milliyə seçim imkanımız genişdir. Bakıya aparacağım oyunçuları hələ seçməmişəm. Formadan düşmək və zədələnmək ehtimallarını nəzərə almaq lazımdır. Yekun “23-lüy”ü müəyyənləşdirmək asan olmayacaq. Futbolçular həmin vaxta qədər hazır olmalıdırlar”.

Qeyd edək ki, Uels millisi AVRO-2020-də iyunun 13-də İsveçrə və 17-də Türkiyə ilə Bakıda, 21-də isə İtaliya ilə Romada qarşılaşacaq.
 

• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO
• Azərbaycan Üzgüçülük Federasiyası rekordçu Cəmil Əliyevə sertifikat təqdim edib