İspaniya “Formula-1” üzrə dünya çempionatının mərhələsini azarkeşsiz qəbul etməyə hazırdır.

Apasport.az saytının məlumatına görə, bunu “Barselona-Kataloniya” avtodromunun direktoru Xoan Fontere açıqlayıb.

O bildirib ki, zəruri olarsa, İspaniya Qran-Prisi tamaşaçısız baş tutacaq: “Biz “Formula-1” rəhbərliyi ilə müxtəlif variantları müzakirə etdik. Bunların birində mövsüm yayda, digərində sentyabrda başlayacaq. Bizdən yarışın yayda başlayacağı halda, Qran-Prini bağlı qapılar arxasında, azarkeşsiz keçirə bilməyəcəyimizi soruşdular. Əlbəttə, bacararıq. Əgər 2020-ci il mövsümünün çempionatı keçirilsə, biz növbəti mövsümə də hazırlaşa bilərik. Yarışı bilet satışı lazım olmadan 2-3 həftəyə təşkil etmək mümkündür. Burada problem ondadır ki, promouterlər bilet satışından qazancdan məhrum olur. “Formula-1” ilə müqaviləmiz də indiki kimi olmayacaq. Biz hələ ki, detalları nəzərdən keçirməmişik. Çünki heç kim bilmir ki, mövsüm başlaya bilər, yoxsa şərtlər dəyişər”.
 

• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO
• Azərbaycan Üzgüçülük Federasiyası rekordçu Cəmil Əliyevə sertifikat təqdim edib