Bakı. Mehman Süleymanov – APA-Sport. Bakıda təşkil edilən şahmat üzrə “Qran-pri” turnirində XI turun oyunları keçirilib. “APA-Sport”un məlumatına görə, turnirdə ölkəmizi təmsil edən hər üç beynəlxalq dərəcəli şahmatçı qara fiqurlarla oynadıqları görüşləri heç-heçə ilə başa vurub. Teymur Rəcəbov ukraynalı Sergey Karyakin, Şəhriyar Məmmədyarov ingiltərəli Maykl Adams, Vüqar Həşimov isə çexiyalı autsayder David Navara ilə xalları yarıya bölüb. Turun digər görüşlərində Van Yue (Çin) Petr Svidler (Rusiya), Ernesto İnarkiyev (Rusiya) Etyen Bakro (Fransa) üzərində qələbə qazanıb. Qata Kamski (ABŞ) ilə İvan Çerapinov (Bolqarıstan), Aleksandr Qrişuk (Rusiya) ilə Maqnus Karlsenin (Norveç) görüşü isə heç-heçə başa çatıb. XI turdan sonra V. Yue ilə A. Qrişuk hərəyə 7 xalla liderliyi bölüşdürürlər. 3-cü pillədə gedən V. Həşimovun hesabında 6,5 xal var. Ş. Məmmədyarov, M. Karlsen və M. Adams hərəyə 6 xalla 4-6-cı yerlərdə qərarlaşıblar. Sonrakı yerlərdə gedən T. Rəcəbovla Q. Kamski hərəyə 5,5, E. Bakro, İ. Çerapinov, S. Karyakin 5 xal toplayıblar. Axırıncı üç pilləni P. Svidler ilə E. İnarkiyev (hərəyə 4,5 xal) və D. Navara (3,5 xal) tuturlar. Bu gün keçiriləcək növbəti turda T. Rəcəbov D. Navara, Ş. Məmmədyarov E.Bakro, V. Həşimov isə lider A. Qrişukla qarşılaşacaq. Hər üç şahmatçımız ağ fiqurlarla oynayacaq.

• Bakı sakinləri övladlarını niyə idmana yazdırır? - SORĞU
• Nazir keçmiş müavini ilə selfisini paylaşdı-MÜZAKİRƏLƏRƏ SƏBƏB OLDU - FOTO
• Mariana Vasileva Gənclər və idman nazirinin müavini vəzifəsindən azad edilib
• AMADA və Milli Paralimpiya Komitəsi seminar keçirib
• "Şahdağ"da keçirilən Dünya Kubokuna yekun vurulub