Bakı. Aqşin Əliyev - APA-Sport. Azərbaycan kamandan oxatanı Emil Akçurin viza problemi ucbatından bu gün Fransanın Vital şəhərində start götürən lisenziya xarakterli Avropa çempionatından kənarda qalıb. Bu haqda “APA-Sport” agentliyinə Azərbaycan Kamandan Oxatma Federasiyasının (AKOF) vitse-prezidenti Namiq Hüseynov məlumat verib. Onun sözlərinə görə, E.Akçurinin sənədləri Fransanın ölkəmizdəki səfirliyinə gec təqdim olunub: “Apreldə Xorvatiyada keçirilən Dünya Kubokunun nəticələrinə əsasən, Avropa çempionatında Emil Akçurinin iştirakını məqsədəuyğun hesab etdik. Lakin vaxt qıtlığı üzündən viza almaq üçün sənədləri Fransa səfirliyinə zamanında verə bilmədik”. Analoji problem AKOF prezidenti Şahin Mövsümovun da xaricə səfərinə maneçilik törədib. Ş.Mövsümovun Avropa Kamandan Oxatma Federasiyasının hesabat-seçki konfransına qatılması nəzərdə tutulmuşdu.

• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO