Bakı. Aqşin Əliyev - APA-Sport. 20 yaşadək gənc oğlan və qızlar arasında Ukraynanın paytaxtı Kiyevdə keçirilən “Tatamidə tayfun” adlı beynəlxalq cüdo turniri başa çatıb. “APA-Sport” agentliyinin məlumatına görə, yarışda Azərbaycanın 12 oğlan və 5 qız cüdoçusu mübarizə aparıb. Baş məşqçi Fərhad Məmmədovun yetirmələrindən ikisi fəxri kürsüyə yüksəlib. Belə ki, Ramin Qurbanov (81 kq) bütün rəqiblərinə qalib gələrək, çempion olub. 70 kq çəki dərəcəsində güləşən Rəqiyyə Qarayeva isə bürünc medala yiyələnib. Bundan başqa, Asim Qocayev (60 kq) və Eldar Məmmədov (100 kq) medal qazanmağa yaxın olsalar da, 5-ci yerlə kifayətləniblər. Turnir yekunlaşdıqdan sonra üçgünlük beynəlxalq təlim-məşq toplanışı başlanıb. Bu hazırlıq prosesində iştirak edən cüdoçularımız vətənə mayın 15-də dönəcəklər.

• Bakıda keçiriləcək "Alufar IRONMAN 70.3" triatlon yarışı çərçivəsində tədbirlərə start verilib
• Bakıda 18 yaşdan 80 yaşadək triatlonçular mübarizə aparacaq
• Yubiley Formula 1 Azərbaycan Qran-Prisi üçün yeni tribuna quraşdırılıb
• Azərbaycan kikboksçusu 2 il müddətinə diskvalifikasiya olunub
• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ