Bakı. Kənan Həsənov-APA-Sport. Rusiyanın “Chesspro” portalı aprelin ən yaxşı 23 oyununu müəyyənləşdirib. “APA-Sport” agentliyinin məlumatına görə, mütəxəssislər seçim zamanı ötən ay keçirilən nüfuzlu beynəlxalq turnirlərdə diqqət mərkəzinə düşən maraqlı görüşlərə üstünlük verib. Siyahıya milli komandamızın iki üzvünün iştirakı ilə baş tutan oyunlar da daxil edilib. Vüqar Həşimovun birinci yeri tutduğu Qran-pri turnirində Qata Kamski (ABŞ) üzərində 52-ci gedişdə rəsmiləşən qələbəsi və Rusiyanın klublararası çempionatında Viktor Korçnoya (İsveçrə) 87-ci gedişdə uduzduğu oyunlar fərqləndirilib. Şəhriyar Məmmədyarovun isə Qran-pri turnirində reytinq favorit Maqnus Karlseni (Norveç) 37-ci gedişdə məğlub etdiyi qarşılaşma siyahıda yer alıb.

• İdmançılarımız Avropa Yay Olimpiya Festivalına hazırlaşırlar
• AzVİF-lə Elm və Təhsil Nazirliyinin əməkdaşlığı çərçivəsində yeni layihəyə start verilib - FOTO
• Azərbaycan və Polşa arasında antidopinq sahəsində əməkdaşlığın perspektivləri müzakirə olunub
• Millidən yeni rekord: Yığma dünya reytinqində 27-ci sıraya yüksəlib
• Şose velosipedi üzrə Azərbaycan çempionatı start götürüb