Bakı. Elşən Məmmədov-APA-Sport. Gürcüstanın Rustavi şəhərində keçiriləcək beynəlxalq turnirə yollanacaq Azərbaycanın yeniyetmələrdən ibarət yunan-Roma güləşi üzrə yığma komandasının heyəti müəyyənləşib. Bu haqda «APA-Sport» agentliyinə millimizin baş məşqçisi Rəşad Rəşidov məlumat verib. Onun sözlərinə görə, mayın 24-də start götürəcək turnirdə ölkəmizi 12 pəhləvan təmsil edəcək. Belə ki, Malik Gülmalıyevlə Allahşükür Paşazadə 42 kq, Seyid Balabəyov 46 kq, Tahir Niftəliyev, Həsən Həsənli və Sərxan Məmmədov 50 kq, Qasım Məhəmmədov 54 kq, Gündüz Səfərov, Atatürk Səfərov və Toğrul Yunuslu 63 kq, Süleyman Babayevlə Əsəd Əsədzadə isə 76 kq çəki dərəcələrində qüvvələrini sınayacaqlar. İki gün davam edəcək yarış gürcüstanlı dünya çempionu Temo Kazaraşvilinin şərəfinə təşkil olunacaq.

• Azərbaycan və Polşa arasında antidopinq sahəsində əməkdaşlığın perspektivləri müzakirə olunub
• Millidən yeni rekord: Yığma dünya reytinqində 27-ci sıraya yüksəlib
• Şose velosipedi üzrə Azərbaycan çempionatı start götürüb
• Formula-1: Azərbaycan Qran-prisinin vaxtı dəyişdirilib
• Bakıda Padel tennis üzrə beynəlxalq yarışın qalibləri mükafatlandırılıb