Bakı. Kənan Həsənov - APA-Sport. Mayın 24-də Rusiyanın Yaroslavl şəhərində bədii gimnastika üzrə beynəlxalq turnir start götürəcək. “APA-Sport” agentliyinin Gimnastika Federasiyasının mətbuat katibliyinə istinadən verdiyi məlumata görə, bu yarışda ölkəmizi cəmi bir idmançı təmsil edəcək. Turnirin mükafatları uğrunda yeniyetmə Aynur Cabbarlı mübarizə aparacaq. Beynəlxalq turnirə mayın 25-də yekun vurulacaq.