Cüdo üzrə Avropa çempionatında mübarizə aparacaq Azərbaycan milli komandasının heyəti açıqlanıb. Yığmanın baş məşqçisi Ağayar Axundzadənin apasport.az saytına verdiyi məlumata görə, yarışda ölkəmizin şərəfini 8 idmançı qoruyacaq.

Kişilərin turnirində Samir Dadaşzadə (60 kq), Ramil Qasımov (66 kq), Elçin Qasımov (73 kq), Elxan Rəcəbli (81 kq), Elxan Məmmədov (90 kq) və Elmar Qasımov (100 kq) tatami üzərinə çıxacaqlar. Xanım cüdoçularımızdan isə qitə birinciliyində Kifayət Qasımova (57 kq) ilə Ramilə Usubova (63 kq) qüvvəsini sınayacaq.

Olimpiya çempionu Elnur Məmmədli, həmçinin Pekin Olimpiadasının bürünc mükafatçısı Mövlud Mirəliyev bu dəfə də güləşməyəcəklər. Ötən ilin avqustundan bəri rəsmi yarışlara qatılmayan bu iki cüdoçuya milli komandanın məşqçiləri tərəfindən istirahət verilib.

Avropa çempionatı aprelin 24-dən 26-dək Gürcüstanın paytaxtı Tiflisdə keçiriləcək.

• Prezident İlham Əliyev Beynəlxalq Avtomobil Federasiyasının prezidentini qəbul edib
• "Formula 1": "Ferrari" pilotu sıralama turunu lider başa vurub - YENİLƏNİB
• "Formula 2": Sprint yarışının qalibi mükafatlandırılıb
• Bakıda sprint yarışı başa çatıb - YENİLƏNİB
• "Formula-2": Yaponiyalı sürücünün bolidində yanğın baş verib - FOTO