Fiziki qüsurlu cüdoçulardan ibarət Azərbaycan yığması Litvanın Elektrenay şəhərində keçiriləcək beynəlxalq turnirdə iştirak edəcək. Bu barədə apasport.az saytına Azərbaycan Milli Paralimpiya Komitəsinin mətbuat xidmətindən məlumat verilib.

Artıq qitə birinciliyinə hazırlıq məqsədilə təlim-məşq toplanışı başlanıb. 2 məşqçi və 9 idmançının qatıldığı toplanış sayəsində optimal heyət müəyyənləşəcək. Hazırlıq prosesinə mayın 13-də yekun vurulacaq. Mayın 15-də isə cüdoçularımız baş məşqçi Əhməddin Rəcəblinin rəhbərliyi altında Litvaya yola düşəcəklər. Beynəlxalq yarış mayın 18-də başa çatacaq.