“Mən “Mançester Yunayted” klubuna ona görə azarkeşlik edirdim ki, Ruud van Nistelroy orada oynayırdı. Bu, futbola baxmağa başladığım ilk dövrlərə təsadüf edirdi”. Apasport.az saytının məlumatına görə, bu sözləri atletika əfsanəsi Useyn Bolt deyib.

100 və 200 metr məsafəyə qaçmaqda dünya çempionu və rekordçusu İspaniya səfərində oyununu izlədiyi “Real” klubuna sevgisindən söz açıb: “İndi isə “Real”ın pərəstişkarıyam. Çünki Nistelroy bu komandadadır. Mən də onun arxasınca gedirəm. O harada oynadısa, o komandaya azarkeşlik edəcəyəm".

Bolt madridlilərin sürəti ilə öyünən yarımmüdafiəçisi Kriştianu Ronaldonu özü ilə müqayisə edib: “Hətta top ayağımda qaçsam belə Kriştianu Ronaldonu keçərəm. İnanmıram ki, o məni arxada qoya bilsin. Dünyanın ən sürətli adamı mənəm”.

• “Ocaq kuboku”nun təqvimi bəlli oldu
• Badmintonçularımız Uqandada “gümüş” qazandı
• Qubada ilk mükafatçılar bəlli oldu
• Snayperlərimiz dünya çempionatında
• AMADA təlim keçirib