Dünyanın ən güclü gimnastı Yevgeniya Kanayeva yeni vəzifəyə təyin olunub. Apasport.az saytının məlumatına görə, bir müddət əvvəl başa çatan dünya çempionatında 6 qızıl medal qazanan gözəlçə Yaponiyada qatıq səfiri seçilib.

Məşhur idmançı bu məhsulu gündoğar ölkədə reklam etmək niyyətindədir: “Bizdə günü qatıqla başlayıb qatıqla bitiririk. Ümid edirəm ki, tezliklə Yaponiyada da belə olacaq”.

Asiya ölkəsi üçün yeni məhsul olan qatıq 2007-ci ildən Yaponiyaya ayaq açıb. Kanayevaya qədər Yelena İsinbayeva və Mariya Aleksandrova kimi məşhur xanımları qatıq səfiri seçən yaponlar riskə gedərək, bu məhsulun daxili bazarda möhkəmlənməsinə çalışır. “Yadzuya” şirkətinin prezidenti Yadzu Tore gözəlçələrin reklamının effektli olduğunu düşünür: “Artıq Yaponiyanın 80-85 faizi qatığın nə olduğunu bilir. Bu məhsulun pərəstişkarları əsasən bizim modellərdir. Rus gözəlçələrə bənzəmək üçün onlar da qatıq içməyə üstünlük verir”.

• İdmançılarımız Avropa Yay Olimpiya Festivalına hazırlaşırlar
• AzVİF-lə Elm və Təhsil Nazirliyinin əməkdaşlığı çərçivəsində yeni layihəyə start verilib - FOTO
• Azərbaycan və Polşa arasında antidopinq sahəsində əməkdaşlığın perspektivləri müzakirə olunub
• Millidən yeni rekord: Yığma dünya reytinqində 27-ci sıraya yüksəlib
• Şose velosipedi üzrə Azərbaycan çempionatı start götürüb