Danimarkanın Herninq şəhərində təşkil olunan dünya çempionatında bu gün qadın güləşçilərin mübarizəsinə yekun vurulacaq. Apasport.az saytının xəbərinə görə, zəriflərin yarışında komanda hesabında 52 ölkə arasında hələlik birinci pillə Azərbaycan yığmasına məxsusdur. Komandamız (35 xal) ikinci pillədə qərarlaşan Yaponiyanı 4 xal qabaqlayır. Üçüncü yerdə qərarlaşan Kanada isə 26 xala malikdir.

Xatırladaq ki, qadın güləşçilərimizdən Mariya Stadniklə (48 kq) Yuliya Ratkeviç (59 kq) qızıl, Sona Əhmədli isə gümüş medal qazanıb.