Danimarkanın Herninq şəhərində keçirilən dünya çempionatının V günü mübarizə aparan qadın güləşçilərimiz final mərhələsinə yüksələ bilməsələr də, ilk “onluğ”a düşüblər. Apasport.az saytının xəbərinə görə, 67 kq çəki dərəcəsində Zümrüd Qurbanhacıyeva yarışları 8-ci, 72 kq çəki dərəcəsində Dina İvanova isə 7-ci yerdə tamamlayıb. Bütövlükdə qadın pəhləvanlarımız 2 qızıl və 1 gümüş medalla 42 xal toplayaraq komanda hesabında fəxri kürsünün ən yüksək pilləsinə qalxıb – dünya çempionu adını qazanıblar. İkinci və üçüncü yeri isə, müvafiq olaraq Yaponiya və Kanada təmsilçiləri qazanıb.

Komandamız bu gün Vətənə qayıdacaq. Onları gətirən təyyarə bu axşam saat 23:30-da Heydər Əliyev Beynəlxalq Hava Limanına enəcək.

• Şose velosipedi üzrə Azərbaycan çempionatı start götürüb
• Formula-1: Azərbaycan Qran-prisinin vaxtı dəyişdirilib
• Bakıda Padel tennis üzrə beynəlxalq yarışın qalibləri mükafatlandırılıb
• ABŞ-də yaşayan azərbaycanlı peşəkar hokkeyçidən Bakıda ustad dərsi
• Anar Ələkbərov Beynəlxalq Avtomobil Federasiyasının Senatına üzv seçilib