Özbəkistanda keçirilmiş boks üzrə beynəlxalq turnir başa çatıb. Azərbaycan Gənclər və İdman Nazirliyinin mətbuat xidmətindən apasport.az saytına verilən məlumata görə, bu yarışda qüvvəsini sınamış Azərbaycan yığması 3 medal qazanıb.

Həmyerlilərimiz arasında ən yüksək nəticəni Rahib Bəylərov (81 kq) göstərib. O, bütün rəqiblərini məğlub edərək, qızıl medala yiyələnib. Rəşad Abdullayev (+91 kq) ikinci, Nicat Abdullayev (75 kq) isə üçüncü yeri tutub.