Beynəlxalq qrossmeyster Vüqar Həşimov növbəti dəfə fəxri kürsünün ən yüksək pilləsinə qalxıb. Apasport.az saytının xəbərinə görə, Makedoniyanın Oxrid şəhərində keçirilən şahmat üzrə 25-ci klublararası Avropa kubokunda İsrailin “Aşdod” komandasını təmsil edən həmyerlimiz öz lövhəsində ən yüksək nəticə göstərib və fərdi hesabda 6 oyundan 5 xal toplayaraq (4 qələbə, 2 heç-heçə) qızıl medala sahib çıxıb. İkinci yerə ukraynalı Yevgeni Miroşniçenko, üçüncü yerə isə Rusiya şahmatçısı Mixail İvanov layiq görülüb.

Qeyd edək ki, Azərbaycanın bir nömrəli şahmatçısı Vüqar Həşimov son ay ərzində iştirak etdiyi hər 3 turnirin qalibi olub.

AzərTac

• Dağ velosipedi üzrə Azərbaycan Kubokunun 3-cü mərhələsinə yekun vurulub
• Azərbaycanla Belarus arasında idman memorandumu
• III Xankəndi Ultramarafonuna yekun vurulacaq
• Kamandan oxatma üzrə Azərbaycan Superkuboku keçiriləcək
• Asunsion Loriyente Bakıda Azərbaycan Su İdmanı Federasiyasının fəaliyyəti ilə tanış olub