Dünyanın ən məşhur sumoçularından biri, “Asaseryu” ləqəbli Dolqorsuren Daqvadorj növbəti dəfə qalmaqal salıb. Apasport.az saytının məlumatına görə, 29 yaşlı idmançı Tokioda gecə klublarından birinin yaxınlığında aranı qarışdırıb. O, gecə klubuna rəhbərik edən tanışını döyüb, burnunu sındırmaqla yanaşı, onu ölümlə hədələyib. Yalnız polisin müdaxiləsindən sonra Daqvadorju sakitləşdirmək mümkün olub.

Artıq Yaponiya Sumo Federasiyası araşdırmalara başlayıb. Əgər sumoçunun günahı sübuta yetirilsə, o, diskvalifikasiya ediləcək. Şahidlərin bildirdiyinə görə, Asaseryu ertəsi günü döyüşə çıxmalı olsa da, yüksək ölçüdə alkoqol qəbul edib. Məhz bundan sonra o, tanışını əzişdirməyə girişib.

Qeyd edək ki, peşəkar sumoda ən nüfuzlu mükafatın - “İmperator” kubokunun 25 dəfə qalibi olmuş Daqvadorj bundan öncə də bir neçə dəfə qalmaqal salıb.

• Azərbaycanın fiqurlu konkisürəni ilk dəfə Avropa çempionatında iştirak edəcək
• ARMPK nümayəndə heyəti Özbəkistan Paralimpiya Komitəsinin qonağı olub - FOTO
• Prezident İslamiadada yüksək nəticə göstərmiş idmançıların mükafatlandırılmasına 1,9 milyon manat ayırıb
• Çingiz Hüseynzadə: “Azərbaycan İslamiada tarixinin ən zəif nəticəsini göstərib”
• İslam Oyunları: Azərbaycanın qılıncoynatma komandası finala yüksəlib