Fransanın paytaxtı Parisdə keçirilən cüdo üzrə ilin ilk “Böyük Dəbilqə”sinə yekun vurulub. Apasport.az saytının məlumatına görə, yarışda Azərbaycanın şərəfini qoruyan hər 7 idmançı əliboş qalıb. Yalnız Elxan Rəcəblinin 5-ci yeri tutması milli komandamızın yekun sıralamada nisbətən yuxarıda qərarlaşmasına imkan yaradıb.

Belə ki, yığmamız 53 kollektiv arasında 26-cı sıraya sahib çıxıb. Sevindirici haldır ki, komandamız Ermənistanı 4 pillə qabaqlayıb. Buna səbəb bədnam qonşularımızdan heç kimin ilk “səkkizlik”də yer ala bilməməsidir.

“Böyük Dəbilqə” yaponların zəfəri ilə yadda qalıb: 5 qızıl, 2 gümüş, 6 bürünc medal. Meydan sahibi Fransa ikinci (3 qızıl, 2 gümüş, 5 bürünc medal), Şimali Koreya (2 qızıl, 4 bürünc medal) isə üçüncü olub.

• Bakı ilk dəfə “D-8” Gənclər Dialoquna ev sahibliyi edir
• Elmira Aslanova Antarktidanın ən yüksək zirvəsini fəth edib
• Azərbaycan ilk dəfə parabadminton üzrə dünya çempionatında iki kateqoriyada təmsil olunacaq
• Azərbaycan Qran-prisi üçün erkən bilet satışına start verilib
• Azərbaycanlı pilot "Formula 4" komandalarından təklif alıb