İspaniya milli komandasının baş məşqçisi Visente del Boske DÇ-2010-a aparacağı 23 futbolçunu seçib. Apasport.az saytının məlumatına görə, təcrübəli mütəxəssis son heyəti bu gün axşam saatlarında açıqlayacağına baxmayaraq, kənarda qoyduğu 6 futbolçunun adı məlumdur.

Bunlar qapıçı David de Hea (“Atletiko”), müdafiəçi Sezar Aspilikueta (“Osasuna”), müdafiəçilər Xavyer Martines (“Atletik”), Santi Kasorla (“Vilyarreal”), hücumçular Alvaro Neqredo (“Sevilya”) və Daniel Quizadır (“Fənərbaxça”). Onlardan Avropa çempionu olan Kasorla ilə Quiza ötən il milli komandamızı Bakıda 6:0 hesabı ilə məğlub etdikləri yoldaşlıq görüşündə iştirak edib. Quiza hətta həmin oyunun ikinci hissəsində qapımıza qol vurub. Daniel “Fənərbaxça”dan fərqli, yığmada əsas heyət oyunçusu sayılmır. O, David Vilya ilə Fernando Torresin kölgəsində qalaraq, daha çox ehtiyatda yer alır.

Qapıçılar: İker Kasilyas (“Real”), Xosep Reyna (“Liverpul”, İngiltərə), Viktor Valdes (“Barselona”)

Müdafiəçilər: Raul Albiol, Alvaro Arbeloa, Serxio Ramos (hamısı “Real”), Yoan Kapdevilya (“Vilyarreal”), Karlos Marçena (“Valensiya”), Herard Pike, Karlos Puyol (hər ikisi “Barselona”)

Yarımmüdafiəçilər: Xabi Alonso (“Real”), Xavi Ernandes, Andreas İnyesta, Serxio Buskets (hamısı “Barselona”), Sesk Fabreqas (“Arsenal”, İngiltərə), Markos Senna (“Vilyarreal”), David Silva (“Valensiya”)

Hücumçular: Xesus Navas (“Sevilya), David Vilya, Xuan Mata (hər ikisi “Valensiya”), Pedro Rodriges (“Barselona), Fernando Loryente (“Atletik”), Fernando Torres (“Liverpul”)

• Bilyardın "Snuker" növü üzrə ölkə çempionatının qalibləri bəlli olub - FOTO
• Millimiz təlim-məşq toplanışına start verib
• III MDB Oyunlarında fəaliyyət göstərəcək könüllülərin sayı açıqlanıb - FOTO
• “Snuker” növü üzrə Azərbaycan çempionatı keçiriləcək
• Fəridə Əzizova Atletlər Komissiyasının sədri seçilib - FOTO