Sabah Polşada cüdo üzrə yeniyetmələr arasında Avropa kuboku start götürəcək. Azərbaycan Cüdo Federasiyasından apasport.az saytına verilən məlumata görə, yarışda Rəşad Məmmədov və Rəşad Həsənovun rəhbərliyi altında yığma komandamız 18 cüdoçu - Mehman Sadıqov, Səid Gəncəli (hər ikisi 50 kq), İsgəndər Talışınskiy, Vüsal Şabanlı (hər ikisi 55 kq), Toğrul Hüseynov, Hüseyn Rəhimli, Afiq Səfərli (hər üçü 60 kq), Cəlil Cəlilov, Quliyev İmran, Musa Mehdiyev (hər üçü 66 kq), Ələsgər Rəhimov, Firudin Dadaşov, Məhəmməd Hüşənov (hər üçü 73 kq), Qurban Qurbanov, Vüsal Kazımlı (hər ikisi 81 kq), Səbuhi Axundov (90 kq), Adəm Ələsgərli (+90 kq) Şəfəq Muradzadə ilə təmsil olunacaq.

Qeyd edək ki, 2 gün davam edəcək Avropa kubokundan sonra komandamızın üzvləri 3 günlük təlim-məşq toplanışında iştirak etdikdən sonra vətənə dönəcəklər.

• Bilyardın "Snuker" növü üzrə ölkə çempionatının qalibləri bəlli olub - FOTO
• Millimiz təlim-məşq toplanışına start verib
• III MDB Oyunlarında fəaliyyət göstərəcək könüllülərin sayı açıqlanıb - FOTO
• “Snuker” növü üzrə Azərbaycan çempionatı keçiriləcək
• Fəridə Əzizova Atletlər Komissiyasının sədri seçilib - FOTO