Dünyanın ən titullu yığması olan Braziliyada qalmaqal yaranıb. Apasport.az saytının məlumatına görə, DÇ-2010-da qızıl medallara əsas namizəd olan millinin baş məşqçisi Dunqa jurnalistlərlə yola getmir.

O bildirib ki, braziliyalı jurnalistlər yığmalarının 6-cı dəfə dünya çempionu olmasını istəmirlər: “Mətbuat tərəfdən yetirmələrimə təzyiq normal, ancaq ədalətsiz vəziyyətdir. Cənubi Afrika Respublikasında Braziliyadan 300 jurnalist var. Onlar ümid edir ki, biz turniri qazana bilməyəcəyik. Onlara sübut etmək lazımdır. Həmin jurnalistlərin fikrincə, Braziliyanın Amerika Kuboku və Konfederasiyalar Kubokunda çıxışı zamanı yalnız bəxti gətirib”.

Qeyd edək ki, Dunqa 1994-cü ildə yığmanın kapitanı kimi dünya çempionu olub.

• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub
• İlham Əliyevin doğum gününə həsr olunmuş turnir keçirilib - FOTO
• Qılıncoynatma üzrə Azərbaycan birinciliyində ilk mükafatçılar müəyyənləşib