Cüdo üzrə Azərbaycan yığma komandası London Olimpiya Oyunlarına lisenziya xalları verən növbəti Dünya Kuboku yarışlarında iştirak edəcək. Apasport.az saytının məlumatına görə, iyunun 10-16-da Portuqaliyada keçiriləcək yarışda xalça üzərinə baş məşqçi Ağayar Axundzadənin rəhbərliyi altında 5 cüdoçumuz - Tərlan Kərimov, Samir Dadaşzadə (hər ikisi 66 kq), Elnur Məmmədli, Elxan Rəcəbli (hər ikisi 81 kq) və Elxan Məmmədov (90 kq) çıxacaq.
Qadın idmançılarımız isə Estoniya səfər edəcək. Paytaxtı Tallində baş tutacaq Dünya Kubokunda Kifayət Qasımova (57 kq) və Ramilə Yusubova (63 kq) qüvvələrini sınayacaqlar.

• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub
• İlham Əliyevin doğum gününə həsr olunmuş turnir keçirilib - FOTO
• Qılıncoynatma üzrə Azərbaycan birinciliyində ilk mükafatçılar müəyyənləşib