Dünya çempionatının final mərhələsinə hazırlaşan milli komandaların iştirakı ilə növbəti yoxlama oyunları keçirilib. Apasport.az saytının məlumatına görə, CAR-da keçiriləcək mundialın favoritlərindən sayılan Braziliya və İngiltərə yığmaları qüvvəsini zəif rəqiblərlə matçlarda sınayıb.

Cənubi amerikalılar 2,5 milyon dollar qarşılığında üz-üzə gəldikləri Tanzaniyanı 5:1 hesabı ilə məğlub ediblər. Robinyo və Ramiresin hərəyə 2, Kakanın 1 qol vurduğu qarşılaşmada afrikalılar yalnız 4 top buraxdıqdan sonra fərqlənə bilib.

İngiltərə yığması isə CAR-ın “Platinium Stars” klubuna “dərs keçib” – 3:0. Yalnız Co Koulun 90 dəqiqə oynadığı görüşdə Fabio Kapello hər hissədə meydan fərqli 10 oyunçu buraxıb. Defo, Co Koul və Runinin qol sevinci yaşadığı matçın 4-cü dəqiqəsində meydan sahibləri penaltidən də yararlana bilməyib.

• Silahlı Qüvvələr Günü münasibətilə Xarıbülbül zirvəsinə yürüş keçirilib
• Bakıda suya tullanma üzrə “Gələcəyə Doğru” turniri keçirilib
• Azərbaycan parabadmintonçusu İbrahim Əliyev beynəlxalq turnirdə üçüncü olub
• Qolf üzrə Azərbaycan çempionatı və ölkə birinciliyi keçirilib
• Azərbaycanda ilk dəfə paraüzgüçülük üzrə ölkə çempionatı keçirilib