Cənubi Afrika Respublikasında (CAR) XIX dünya çempionatını start götürüb. Apasport.az saytının xəbərinə görə, son mundialların ənənəsinə uyğun olaraq, açılış oyununda təşkilatçı ölkənin milli komandası meydana çıxıb.

A qrupunda Meksika yığması ilə CAR arasında baş tutan görüşdə qapılara iki top vurulsa da, qalib müəyyənləşməyib. Özbək hakim Rövşən İrmatovun idarə etdiyi oyunda hesabı meydan sahibləri açıb. 55-ci dəqiqədə Siphive Şabalala meksikalıları cəzalandıraraq, mundialın ilk qolunun müəllifi olub. Amma CAR qələbə hesabını qoruya bilməyib. 79-cu dəqiqədə İspaniya “Barselona”sından tanıdığımız Rafael Markesun dəqiq zərbəsi ilə tarazlıq bərpa edilib.

Qrupun digər qarşılaşmasında da qalib müəyyənləşməyib. Fransa yığması ilə Uruqvay arasındakı oyunda qapılara top vurulmayıb. Cənubi amerikalılar Nikolas Ladeyronun meydandan qovulmasından sonra matçın son 10 dəqiqəsini azlıqda keçirsələr də, Domenekin komandası bundan yararlana bilməyib.



I tur
11 iyun
A qrupu

23:30. URUQVAY – FRANSA - 0:0
QIRMIZI VƏRƏQƏ: Nikolas Lodeyro, 81 (ikinci sarı vərəqə)
Baş hakim: Yuiçi Nişimura (Yaponiya)
Keyptaun. Qrin Point stadionu
URUQVAY: 1. Fernando Muslera, 2. Dieqo Luqano, 3. Dieqo Qodin, 6. Maurisio Viktorino, 16. Maksimiliano Pereyra, 15. Dieqo Peres, 5. Valter Qarqano, 18. İqnasio Qonzales, 11. Alvaro Pereyra, 9. Luis Suares, 10. Dieqo Forlan
FRANSA: 1. Uqo Loris, 2. Bakari Sanya, 3. Erik Abidal, 5. Vilyam Qallas, 13. Patris Evra, 8. Yoann Qyurkuff, 14. Ceremi Tulalan, 15. Floran Maluda, 10. Sidney Qovu, 21. Nikola Anelka, 7. Frank Riberi

------------------------------------------------------------------------------------------------------------------------------

CAR - MEKSİKA - 1:1
QOLLAR: Siphive Şabalala, 55 - Rafael Markes, 79
Baş hakim: Rövşən İrmatov (Özbəkistan)
Yohannesburq. Sokker Siti stadionu
CAR: 16. Itumeleng Kune, 2. Siboniso Gaxa, 4. Aaron Mokoena, 20. Bongani Khumalo, 3. Tsepo Masilela, 11. Teko Modise, 13. Kaqisho Dikqacoi, 10. Steven Pienaar, 12. Reneilve Letsholonyane, 8. Siphive Şabalala, 9. Katlego Mpela
MEKSİKA: 1. Oscar Peres, 16. Efrain Xuares, 4. Rafael Markes, 2. Fransisco Rodriges, 3. Karlos Salsido, 6. Jerardo Torrado, 8. İsrael Kastro, 18. Andres Quardado, 17. Covani Dos Santos, 14. Xavyer Ernandea, 11. Karlos Vela

• BOK-un tibbi ekspertindən Bakıda elmi-praktik təlim - FOTO
• Antidopinq İntizam və Apellyasiya Komitələrinin üzvləri üçün təlim keçirilib - FOTO
• Üzgüçümüz Sofiyada qızıl medal qazanıb
• İdmançılarımız Avropa Yay Olimpiya Festivalına hazırlaşırlar
• AzVİF-lə Elm və Təhsil Nazirliyinin əməkdaşlığı çərçivəsində yeni layihəyə start verilib - FOTO