Azərbaycan milli komandasının sabiq baş məşqçisi Karlos Alberto Torres bu gün startı verilən DÇ-2010-da yığmasından uğur gözləyir. Apasport.az saytının məlumatına görə, 66 yaşlı braziliyalı mütəxəssis bunu vaxtilə çalışdırdığı millimizin yox, həmvətənlərinin gerçəkləşdirəcəyinə ümid edir.

Braziliya yığmasının çempion heyətinin kapitanı olmuş Torres heç vaxt öz millisinin məşqçisi olmayıb. 40 il əvvəl Meksikada Jül Rime kubokunu başı üzərinə qaldıran kapitan onu məşhur komanda yoldaşı Pele ilə birlikdə həmişəlik Braziliyaya aparıb.

Maraqlıdır ki, həmin kubok 1983-cü ildə oğurlanaraq əridilib və bununla da cinayətkarlar izi itirib. Bəlkə də bu səbəbdəndir ki, yığmamızın sabiq çalışdırıcısı sonradan hazırlanmış yeni kuboka ikiəlli bərk-bərk sarılıb, onu öpüşünə qərq edib.

Qeyd edək ki, Torres 2004-cü ilin fevralından 2005-ci ilin iyununadək yığmamızı çalışdırıb.

• Bilyardın "Snuker" növü üzrə ölkə çempionatının qalibləri bəlli olub - FOTO
• Millimiz təlim-məşq toplanışına start verib
• III MDB Oyunlarında fəaliyyət göstərəcək könüllülərin sayı açıqlanıb - FOTO
• “Snuker” növü üzrə Azərbaycan çempionatı keçiriləcək
• Fəridə Əzizova Atletlər Komissiyasının sədri seçilib - FOTO