Bu gün dünya çempionatında son yarımfinalçılar müəyyənləşəcək. Apasport.az saytının məlumatına görə, 1/4 final mərhələsində ən maraqla gözlənilən Almaniya – Argentina görüşü mundialın favoritlərindən birini mübarizədən kənarda qoyacaq.

Braziliyanın ardınca Argentina da uduzarsa, dünya çempionunun Avropa təmsilçisi olacağı şübhə doğurmayacaq. Argentinalıların baş məşqçisi Dieqo Maradona ona yaxşı tanış olan rəqiblə görüşəcək. Belə ki, əfsanəvi futbolçu ardıcıl iki dəfə - DÇ-86 və DÇ-90-un finalında almanlarla üzləşib. Birincidə kapitan kimi dünya kubokunu başı üzərinə qaldıran Maradona növbətisində gümüş medalla kifayətlənməli olub. İndi onu aparıcı futbolçusu Lionel Messinin durumu qayğılandırır. Belə ki, soyuqlayan futbolçunu qoruyan baş məşqçi onu meydana buraxmaq fikrindədir.

Son yarımfinalçısının isə İspaniya yığması olacağını desək, yanılmarıq. Hər halda, 1/8 finalda Yaponiyanı yalnız oyun sonrası penaltilər seriyası ilə yenən Paraqvay yığmasının son Avropa çempiona qalib gələcəyi real görünmür. Ancaq digər tərəfdən, ispanlar mundialda ilk oyunda gözlənilmədən İsveçrəyə uduzması rəqibin qiymətləndirməyinin vacibliyini göstərir.

1/4 final
3 iyul

19:00. ALMANİYA – ARGENTİNA - 4:0
QOLLAR: Müller, 3; Kloze, 68; 89; Fridrix, 74
Baş hakim: Rövşən İrmatov (Özbəkistan)
Keyptaun. Qrin Point stadionu
ALMANİYA: Noyer, Fridrix, Lam, Martezaker, Boatenq, Xedira, Şvaynştayger, Ezil, Padolski, Kloze, Müller.
ARGENTİNA : Romero, Demikelis, Burdisso, Xaintse, Otamendi, Di Maria, Maskerano, Rodriqes, İquain, Messi, Tevis.

23:30. PARAQVAY – İSPANİYA -0:1
QOL: Vilya, 83
58-ci dəqiqədə Kardosonun (Paraqvay) penalti zərbəsini Kasilyas dəf edib
60-cı dəqiqədə Alonsonun (İspaniya) 11 metrlik cərimə zərbəsini Vilyar zərərsizləşdirib
Baş hakim: Karlos Bartes Qonsales (Qvatemala)
Yohannesburq. Ellis Park stadionu
PARAQVAY: Vilyar, Veron, Rodriqes, Silva, Alkaras, Barreto, Santana, Kaseres, Riveros, Kardosa, Valdes.
İSPANİYA: Kasilyas, Pike, Puyol, Kapdevila, Ramos, İnyesta, Alonso, Xavi, Buskets, Vilya, Torres.

• Bilyardın "Snuker" növü üzrə ölkə çempionatının qalibləri bəlli olub - FOTO
• Millimiz təlim-məşq toplanışına start verib
• III MDB Oyunlarında fəaliyyət göstərəcək könüllülərin sayı açıqlanıb - FOTO
• “Snuker” növü üzrə Azərbaycan çempionatı keçiriləcək
• Fəridə Əzizova Atletlər Komissiyasının sədri seçilib - FOTO