Almaniyanın Dortmund şəhərində keçirilən şahmat üzrə beynəlxalq “Sparkassen” turniri davam edir. Apasport.az saytının məlumatına görə, ilk 3 turda məğlubiyyətsiz irəliləyən Şəhriyar Məmmədyarov (2761) son görüşdə də şahını qoruya bilib. Ağ fiqurlarla dünya çempionu Vladimir Kramnikə (Rusiya, 2790) qarşı mübarizə aparan qrossmeysterimiz heç-heçə ilə kifayətlənib.

Digər görüşlərdə vyetnamlı Le Kuanq Lyem (2681) gözlənilmədən Ruslan Ponomaryova (Ukrayna, 2734) qalib gəlib. Arkadi Naydiç (Almaniya, 2684) və Peter Leko (Macarıstan, 2734) arasındakı qarşılaşma isə sülhlə başa çatıb.

IV turdan sonra turnir cədvəlinə 3 xalla Məmmədyarov başçılıq edir. Ondan 0,5 xal az toplayan Ponomaryov ikinci yeri tutur. Üçüncü pillədə aktivində 2 xalı olan Lyem qərarlaşıb. Hələ də qələbəyə həsrət olan Kramnik, Leko və Naydiç isə 4-6-cı yerləri bölüşürlər.

IV tur

Ruslan Ponomaryova (Ukrayna, 2734) - Şəhriyar Məmmədyarov (Azərbaycan, 2761)
Peter Leko (Macarıstan, 2734) - Le Kuanq Lyem (2681)
Vladimir Kramniklə (Rusiya, 2790) - Arkadi Naydiç (Almaniya, 2684)

Qeyd edək ki, IV turda Məmmədyarov qara fiqurlarla Ponomaryovla qarşılaşacaq.

• Təmsilçimiz Andorradakı beynəlxalq turnirdə uğurlu çıxış edib
• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar