Atletika üzrə Kanadada start götürən gənclər arasında dünya çempionatı davam edir. Apasport.az saytının məlumatına görə, 2 idmançı ilə təmsil olunduğumuz yarış Azərbaycan atletləri üçün uğurlu başlayıb.

Çempionatın ilk günündə 3 km məsafəyə qaçışda finiş xəttinə çıxan Layeş Abdullayeva təsnifat mərhələsində 2-ci yeri tutaraq, final mərhələsinə yüksəlib. Milliləşdirilmiş legionerimiz həlledici mərhələdə də mükafatçılar sırasında yer almağı bacarıb. O, finiş xəttinə 8.55.33 saniyəyə çataraq dünya çempionatının bürünc medalına sahib olub. Bu məsafəyə qaçışda təmsilçimizi Mersi Çerono (Keniya, 8.55.07) və Emebet Anteneh (Efiopiya, 8.55.24) qabaqlayıb.

Qeyd edək ki, iyulun 26-dək davam edəcək yarışda 3 təkanla tullanmada Murad İbadullayev də qüvvəsini sınayacaq.

• Balaheydər Kərimov triatlon üzrə Dünya Kubokunda hakimlik edən ilk azərbaycanlı olub
• Azərbaycanın deflimpiya üzrə üzgüçülük millisinin baş məşqçisi bəlli olub
• Şose velosipedi üzrə ölkə çempionatında ikinci günün qalibləri bəlli oldu - FOTO
• Kamandan oxatma üzrə Bakı şəhər kubokunda qaliblər məlum oldu
• Silahlı Qüvvələr Günü münasibətilə Xarıbülbül zirvəsinə yürüş keçirilib