Uruqvay milli komandasının futbolçusu Dieqo Forlana mahnı həsr olunub. Apasport.az saytının məlumatına görə, uruqvaylı bəstəkar Maks Kapote hücumçu haqda mahnı yazmaq arzusunu gerçəkləşdirib. Buna Dieqonun CAR-da keçirilən dünya çempionatının final mərhələsindəki oyunu ilə Uruqvay yığmasını yarımfinala daşıması səbəb olub.

Bəstəkar az qala milli qəhrəmana çevrilən həmyerlisinin “Qızıl top”a layiq görülməsindən sonra lap ilhama gəlib: “Mundial ərəfəsində söz vermişdim ki, Forlan ən yaxşı oyunçu seçilsə, onun şərəfinə oda yazım. Onun oyunu məni məftun etdi. Mən bu mahnını cəmi 3 saata bəstələdim. Artıq bu mahnı Uruqvayda hitə çevrilib”.

Qeyd edək ki, Dieqo dünya çempionatının ən yaxşı futbolçusu üçün təsis olunan “Qızıl top” mükafatına layiq görülüb.

• Bilyardın "Snuker" növü üzrə ölkə çempionatının qalibləri bəlli olub - FOTO
• Millimiz təlim-məşq toplanışına start verib
• III MDB Oyunlarında fəaliyyət göstərəcək könüllülərin sayı açıqlanıb - FOTO
• “Snuker” növü üzrə Azərbaycan çempionatı keçiriləcək
• Fəridə Əzizova Atletlər Komissiyasının sədri seçilib - FOTO