Almaniyanın Dortmund şəhərində keçirilən şahmat üzrə beynəlxalq “Sparkassen” turnirində VII turun görüşlərinə yekun vurulub. Apasport.az saytının məlumatına görə, ilk dövrədə Peter Leko (Macarıstan, 2734) ilə heç-heçə edən Şəhriyar Məmmədyarov (2761) bu turda ağ fiqurlarla rəqibinə qalib gəlib.

Digər görüşlərdə Vladimir Kramnik (Rusiya, 2790) Ruslan Ponomaryovla (Ukrayna, 2734), Arkadi Naydiç (Almaniya, 2684) isə Le Kuanq Lyemlə (2681) “sülh” bağlayıb.

VII turdan sonra Ponomaryov 4,5 xalla birinci pillədəki yerini qoruyub. Ondan 0,5 xal az toplayan Məmmədyarov və Lyem 2-3-cü pillələri bölüşürlər. Dördüncü yerdə olan dünya çempionu Kramnikin 3,5 xalı var. Son 2 pillədə isə Naydiç (3 xal) və Leko (2 xal) qərarlaşıblar.

Qeyd edək ki, bu gün keçiriləcək VIII turda qrossmeysterimiz qara fiqurlarla Lyemə qarşı oynayacaq.

• Balaheydər Kərimov triatlon üzrə Dünya Kubokunda hakimlik edən ilk azərbaycanlı olub
• Azərbaycanın deflimpiya üzrə üzgüçülük millisinin baş məşqçisi bəlli olub
• Şose velosipedi üzrə ölkə çempionatında ikinci günün qalibləri bəlli oldu - FOTO
• Kamandan oxatma üzrə Bakı şəhər kubokunda qaliblər məlum oldu
• Silahlı Qüvvələr Günü münasibətilə Xarıbülbül zirvəsinə yürüş keçirilib