“Azərbaycan yığması ilə yaşadığımız xəyal qırıqlığından sonra dəyişiklik olacağını söyləmişdim. Gənc futbolçularımızla dəyişiklik edə bilərik. Önümüzdə çox vaxt var”. Apasport.az saytının məlumatına görə, bu fikirləri Türkiyə millisinin baş məşqçisi Qus Hiddink deyib. Superliqanın oyunlarını izləmədiyi üçün kəskin tənqid olunan hollandiyalı mütəxəssis son turda “Trabzonspor” – “Gənclərbirliyi” görüşünə baxıb. Hiddink gördüklərindən razı qalıb: “Trabzonda çox gözəl bir ikinci hissə izlədim. Gənc oyunçuların səviyyəsindən təsirləndim. “Trabzonspor”da Sərkan Balçı çox yaxşı işlər görür”.

Qeyd edək ki, Türkiyə yığması Avro-2012-nin seçmə mərhələsində keçirdiyi son rəsmi oyunda millimizə Bakıda 0:1 hesabı ilə uduzub.

• Azərbaycan parabadmintonçusu İbrahim Əliyev beynəlxalq turnirdə üçüncü olub
• Qolf üzrə Azərbaycan çempionatı və ölkə birinciliyi keçirilib
• Azərbaycanda ilk dəfə paraüzgüçülük üzrə ölkə çempionatı keçirilib
• Azərbaycanda ilk dəfə paraüzgüçülük üzrə ölkə çempionatı keçiriləcək
• Kamandan oxatma üzrə Bakı şəhər kubokunun II mərhələsi keçiriləcək