Bakıda Abbas Ağalarovun xatirəsinə həsr olunmuş gənclər arasında boks üzrə beynəlxalq turnir sona çatıb. Apasport.az saytının məlumatına görə, Azərbaycan, Qazaxıstan, Rusiya, Özbəkistan, Çin, İrlandiya və Gürcüstan yığmalarının qatıldığı turnirdə milli komandamız 3 qızıl, 1 gümüş və 9 bürünc medal qazanıb.

Bakı İdman Sarayında keçirilən yarışda boksçularımızdan Romal Yusifzadə (52 kq), İlkin Quliyev (56 kq) və Pərviz Bağırov (60 kq) bütün rəqiblərinə qalib gəliblər. Yalnız finalda məğlubiyyət acısı yaşayan Saqi Sadıqlı (69 kq) isə gümüş medalla kifayətlənib.

Xatırladaq ki, yarımfinal mərhələsini keçə bilməyən Allahşükür Xanımalıyev (49 kq), Kamran Orucov (52 kq), Alim Abbasov (56 kq), Novruzəli Əliyev (60 kq), Coşqun Əliyev (64 kq), Rauf Rəhimov (75 kq), Fəqan Hüseynov (75 kq), Hacıbaba Hacıbabayev (91 kq) və Orxan Məmmədzadə (+91 kq) isə bürünc layiq görülmüşdülər.

• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO