Bakıda keçirilən cüdo üzrə Qran-pri yarışına yekun vurulub. Apasport.az saytının məlumatına görə, London-2012-yə lisenziya xalı verən turnirə 34 idmançı ilə qatılan Azərbaycan milli komandasının qazancı 3 medala olub.

Belə ki, yığmamızın üzvlərindən ən yaxşı nəticəni Kifayət Qasımova göstərib. Bütün rəqiblərinə qalib gələn cüdoçumuz yarışı qızıl medal və 200 lisenziya xalı ilə başa vurub. Ondan fərqli, finalda uduzan Elxan Rəcəbli (81 kq) ikinci yeri tutub. Digər cüdoçumuz - Elxan Məmmədov isə bürünc medalla kifayətlənib.

Qeyd edək ki, 1 qızıl, 1 gümüş və 1 bürünc medal qazanan Azərbaycan yığması komanda hesabında 5-ci olub. İlk pillə isə 2 qızıl və 2 gümüş medal qazanan Özbəkistan cüdoçularına qismət olub.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”