Ən güclü boksçuların seçmə yarışına yekun vurulub. Apasport.az saytının məlumatına görə, Bakı İdman Sarayında keçirilən turnirin son günündə 10 çəki dərəcəsində final qarşılaşmaları keçirilib.

Son Avropa çempionatının gümüş mükafatçısı Elvin Məmişzadə yarışın ən gənc iştirakçısı Tural Əhmədovu minimal üstünlüklə məğlub edib. Rəhim Nəcəfovla Şaban Şahpələngov arasında döyüş də finalın maraq doğuran qarşılaşmalarından idi. Gənclər arasında dünya birinciliyinin qalibi Şahpələngov təcrübəli rəqibinə layiqli müqavimət göstərsə də, məğlubiyyətdən qaça bilməyib.

Uzun illər milli komandamızın kapitanı olmuş Emil Məhərrəmov bu yarışda da 2-ci yerlə kifayətlənməli olub. 2005-ci ilin dünya çempionatının mükafatçısı son ölkə çempionatında olduğu kimi yenə də Sadiq Eynullayevə uduzub.

91 kq çəki dərəcəsində milli komandamızın “1 nömrəsi” olan Teymur Məmmədov WSB liqasında “Baku Fires”in heyətində yarışmış Abdulkadir Abdullayevi 7:2 hesabı ilə məğlubiyyətə uğradıb.

Final görüşlərinin nəticələri

49 kq
Salman Əlizadə - Orxan Süleymanov - 19:1

52 kq
Tural Əhmədov - Elvin Məmişzadə - 0:1

56 kq
Rəhim Nəcəfov - Şaban Şahpələngov - 9:5

60 kq
Elvin İsayev - İmil İksanov - 4:1

64 kq
İsmət Eynullayev - Heybətulla Hacəliyev - 0:1

69 kq
Emil Məhərrəmov - Sadiq Eynullayev - 1:6

75 kq
Rahib Bəylərov – Murad Ağamalıyev Qələbə Bəylərova verilib

81 kq
Vətən Hüseynli - Ramil Əliyev - 2:1

91 kq
Teymur Məmmədov - Abdulkadir Abdullayev - 7:2

+91 kq
Fərid Paşayev - Asim İsgəndərov - 6:2

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”