Tanınmış qrossmeysterimiz Şəhriyar Məmmədyarov avtomobil qəzasına uğrayıb. Apasport.az saytının xəbərinə görə, hadisə Sumqayıt şəhəri 13-cü mikrorayon ("Şərq bazarı" adlanan yerdə) ərazisində baş verib.

Şahmatçının idarə etdiyi “Range Rover” "Vaz" 2107 markalı avtomobillə toqquşaraq, ağır qəza vəziyyəti yaradıb. Hadisə şahidlərinin verdiyi məlumata görə, yol kənarı səkini aşan avtomobil təqribən 25-30 metr kənara sürüşüb.

Son məlumata görə, hadisə nəticəsində itki yoxdur. Məmmədyarovun qolundan və sağ ayağından yüngül zədə ilə qurtulduğu deyilir.

Şahmatçı hadisənin baş verdiyini təsdiqləyib: "Hər şey birdən oldu. Heç nə başa düşmədim. Şükür ki, ölüm-itim yoxdur. Bir balaca qolumda ağrı hiss edirəm. Toqquşduğumuz maşının sürücüsü də sağ-salamatdır”.
Futbolpress

• Qurban Qurbanov: "Hər kəsi Bakıda keçiriləcək UFC turnirinə dəvət edirik"
• Təmsilçimiz Rusiyada bürünc medal qazanıb
• III MDB Oyunları ilə əlaqədar olaraq Gəncə “MDB-nin idman paytaxtı” seçilib
• III MDB Oyunlarında 246 medal dəsti uğrunda mübarizə aparılacaq
• "Formula 1" üzrə Azərbaycan Qran-prisinin tarixi açıqlanıb