“Çox üzülürük. Bu məğlubiyyəti həzm etmək mümkün deyil. Amma dünyanın sonu da deyil”. Apasport.az saytının məlumatına görə, bu sözləri Azərbaycan milli komandasının yarımmüdafiəçi Rəşad Sadiqov deyib.

Almaniya ilə Avro-2012-nin seçmə oyunu ərəfəsində keçirilən mətbuat konfransında iştirak edən futbolçu Qazaxıstanla matçdakı məğlubiyyətin səbəbləri haqda danışarkən futbolçu süni örtük amilini də qabardıb: “Meydanın süni örtüklü olması da bizə çətinlik yaratdı. Bunu unutmaq çətin olacaq”.

Rəqibin ikinci qolu vurmasında sanki onlara yardım edən Sadiqov həmin epizodda cərimə zərbəsinin təyin edilməli olduğunu vurğulayıb: “Rəqib oyunçu arxadan futbolkamdan tutub məni saxladı. Ona görə dayandım. Hakimlərdən narazılıq etmirəm. Ancaq həmin epizodda referi başqa yerə baxırdı”.

• Azərbaycan İdman Rəqsləri Federasiyasının yeni prezidenti seçilib
• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb