Premyer Liqanın XVI turu “Neftçi”nin özbəkistanlı hücumçusu Bahodir Nasimov üçün əlamətdar olub. Apasport.az saytının məlumatına görə, AZAL-la oyunda het-trik edən legioner çempionatımızdakı qol sayını 25-ə çatdırıb.

Nasimov Azərbaycanda buna nail olan 15-ci əcnəbidir. Belə ki, ona qədər yalnız 14 legioner Azərbaycan çempionatında 25 qol həddini aşmışdı. Həmin oyunçuların Avropa, Cənubi Amerika və Afrika təmsilçiləri olduğunu nəzərə alsaq, Bahodir ilk asiyalı kimi bu siyahıya düşüb.

Qeyd edək ki, legionerlər arasında ən çox qol vuran futbolçu Badri Kvaratsxeliyadır. “Kəpəz” və “Şəmkir”də oynamış gürcüstanlının hesabında 71 qol var.

Azərbaycan çempionatında ən azı 25 qol vuran legionerlər
1. Badri Kvaratsxeliya - 71
2. Georgi Adamiya - 56
3. Leandro Qomeş - 41
4. Fernando Peres - 40
5-6. Yakuba Bamba - 37
Junivan Suares - 37
7-8. Viktor Kulikov - 35
Branimir Subaşiç - 35
9. Əhməd Ticani - 34
10-11. Anatoli Doroş - 30
Valter Quqlemon - 30
12-13. Vladimir Mazyar - 29
Viktor İqbekoyi - 29
14. Fabio Luis Ramim - 27
15. Bahodir Nasimov - 25

• Bakıda keçiriləcək "Alufar IRONMAN 70.3" triatlon yarışı çərçivəsində tədbirlərə start verilib
• Bakıda 18 yaşdan 80 yaşadək triatlonçular mübarizə aparacaq
• Yubiley Formula 1 Azərbaycan Qran-Prisi üçün yeni tribuna quraşdırılıb
• Azərbaycan kikboksçusu 2 il müddətinə diskvalifikasiya olunub
• Kırçın vadisindən “Bişkek Arena”ya: Köçəri irsin dünya səhnəsinə çıxışı – REPORTAJ