AVRO-2012-də ən çox futbolçusu olan klubların siyahısı açıqlanıb. Apasport.az saytının məlumatına görə, Polşa və Ukraynada keçiriləcək final mərhələsində iştirak edəcək 16 milli komandanın şərəfini qoruyan 368 oyunçu siyahısına “Bavariya” başçılıq edir. Münhenlilərin həlledici mərhələyə 13 üzvünü göndəriblər.

Bu siyahıda ikinci yeri “Real” tutur. AVRO-2012-də 12 futbolçusu Madrid klubunu “təmsil” edəcək. İlk “üçlüyü” isə Kiyev “Dinamo”su qapayır. Onlar 16 yığmaya “Real”dan 2 futbolçu az göndəriblər.

Daha sonrakı yerlərdə “Şaxtyor” (Donetsk), “Çelsi” (hər ikisi 9), “Arsenal”, “Barselona”, “Zenit”, “Mançester Siti” və Borussiya D (hamısı 8) qərarlaşıblar.

Qeyd edək ki, ən beynəlmiləl klub isə “Arsenal”dır. Onların 8 futbolçusu 7 millinin heyətinə cəlb olunub.

• Dağ velosipedi üzrə Azərbaycan Kubokunun 3-cü mərhələsinə yekun vurulub
• Azərbaycanla Belarus arasında idman memorandumu
• III Xankəndi Ultramarafonuna yekun vurulacaq
• Kamandan oxatma üzrə Azərbaycan Superkuboku keçiriləcək
• Asunsion Loriyente Bakıda Azərbaycan Su İdmanı Federasiyasının fəaliyyəti ilə tanış olub