Portuqaliya milli komandasının futbolçusu Kriştianu Ronaldo unikal nailiyyətə imza atıb. Apasport.az saytının məlumatına görə, AVRO-2012-nin Hollandiya ilə qarşılaşmasında dubla imza atan pireneyli ardıcıl 5-ci böyük turnirin final mərhələsində qol sevinci yaşayıb.
AVRO-2004, DÇ-2006, AVRO-2008, DÇ-2010-un da final mərhələsində qol vuran Ronaldo artıq 10 ildir böyük yarışları qolsuz tərk etmir. O, buna nail olan ilk portuqaliyalıdır. Bu göstəricidə mütləq rekord isə əfsanəvi Yurgen Klinsmanna məxsusdur. Almaniya yığmasının sabiq futbolçusu ardıcıl 6 dəfə final mərhələsində qol vurub.

Ronaıldo həm də ardıcıl 3 Avropa çempionatında fərqlənən 7-ci futbolçu olub. Ona qədər portuqaliyalılar Elder Poştiqa, Nunu Qomeş, fransalı Tyerri Anri, isveçli Zlatan İbrahimoviç, çexiyalı Vladimir Şmitser və almaniyalı Yurgen Klinsmann buna nail olmuşdu.

• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!
• Deflimpiyaçı güləşçilərimiz Belarusda zirvədə
• Kapoeyraçılarımız Tallində altı medal qazanıblar
• Dağ velosipedi üzrə Azərbaycan Kubokunun 3-cü mərhələsinə yekun vurulub
• Azərbaycanla Belarus arasında idman memorandumu