Qadın voleybolçular arasında ABŞ milli komandasının London Olimpiadası üçün heyəti açıqlanıb. Apasport.az saytının məlumatına görə, baş məşqçi Makkatçon möhtəşəm oyunlarda güvənəcəyi “12-liyi” müəyyənləşdirib.

O, Böyük Britaniyanın paytaxtına Azərbaycan Super Liqasından 3 voleybolçu da aparacaq. Belə ki, təcrübəli mütəxəssis “Rabitə”nin və “Azərreyl”in yeni transferi müvafiq olaraq, Foluke Akinradevo və Meqan Hodju heyətə daxil edib. O, həmçinin son 2 ildə “İqtisadçı”da çıxış edən, 2012/2013 mövsümündə burada oynayıb-oynamayacağı dəqiqləşməyən Tayyubu Xaneef-Park da komandada yer alıb.

Makkatçon bundan öncə yığmaya “Azərreyl”in sabiq voleybolçuları Hizer Erin Brunla Tamas Cenefferi, “Lokomotiv”lə vidalaşan Nansi Metkalfı və “Rabitə” ilə Azərbaycan çempionu olan Kimberli Qlassı çağırsa da, onları olimpiadaya aparmamağa qərar verib.

Qeyd edək ki, ABŞ Braziliya, Çin, Serbiya, Türkiyə, və Cənubi Koreya ilə birgə B qrupunda yer alıb.

• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!
• Deflimpiyaçı güləşçilərimiz Belarusda zirvədə
• Kapoeyraçılarımız Tallində altı medal qazanıblar