2012-ci il London Yay Olimpiya Oyunlarının açılış mərasimində idmançıların paradı başlayıb. Apasport.az saytının məlumatına görə, təntənəli keçiddə hamıdan öndə ilk olimpiadanın vətəni Yunanıstan təmsilçiləri yer alıb.

Sonradan digər ölkələr əlifba sırası ilə tamaşaçılar önündən keçməyə başlayıblar.

Azərbaycan nümayəndə heyəti 14-cü keçib. Bayraqdar funksiyasını isə 2008-ci il Pekin olimpiadasında ölkəmizə yeganə qızıl medalı qazandırmış cüdoçu Elnur Məmmədli yerinə yetirib.

Olimpiadanın açılış mərasimində iştirak edən Azərbaycan prezidenti İlham Əliyev və xanımı Mehriban Əliyeva paraddan keçən nümayəndə heyətimizi salamlayıb və alqışlayıblar.

Qeyd edək ki, 2012-ci il London Yay Olimpiya Oyunlarında 204 ölkədən 10500 idmançı mübarizə aparacaq.

• Sahib Ələkbərov: “Turnirə maraq olduqca böyükdür"
• “Bakı-Xankəndi” veloyarışı: Dördüncü mərhələ yekunlaşıb - FOTO
• “Bakı-Xankəndi” veloyarışı: Dördüncü mərhələyə start verilib
• Sahib Ələkbərov: “Bakı-Xankəndi” yarışında hər şey yüksək səviyyədə təşkil olunub”
• “Bakı-Xankəndi” veloyarışı: Üçüncü mərhələ başa çatdı