Bu gün London Yay Olimpiya Oyunlarında cüdo yarışlarına start verilib. Apasport.az saytının xəbərinə görə, tatami üzərinə çıxanlar arasında Azərbaycan yığmasının üzvü İlqar Müşkiyev də olub.

60 kq çəki dərəcəsində qüvvəsini sınayan idmançımız mübarizəyə 1/16 finaldan qoşulub. Təmsilçimiz ilk döyüşündə almaniyalı Tobias Enqlmayeri məğlub edən Ovanes Davtyanla (Ermənistan) görüşüb.

Təəssüf ki, İlqar ilk cəhddəcə uduzaraq, mübarizəni dayandırıb. Döyüşün ilk dəqiqələrində rəqibin xəbərdarlıq alması hesabına üstünlük qazanan həmyerlimiz ardından erməninin vazari fəndi qarşısında aciz qalaraq, Londonla vaxtından əvvəl vidalaşıb.

Qeyd edək ki, Olimpiya Oyunlarında bundan sonra daha 7 cüdoçumuz mübarizə aparacaq.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib